Дома Македонски спорт Мак ракомет Традиција долга половина век: Најавено 50-то издание на Меѓународниот турнир во Струга

Традиција долга половина век: Најавено 50-то издание на Меѓународниот турнир во Струга

Денес беше промовирано јубилејното 50-то издание на струшкиот ракометен турнир. На прес-конференцијата присуствуваа претседателот на АМС, Наумче Мојсовски, првиот човек на клубот, Кире Јовановски и генералниот секретар Филип Милошевски. Тие се во улога на организатори на турнирот.

Традицијата на турнирот е навистина голема и не е мала работа во било кој спорт да се задржи традиција половина век.

„Ретко кој од спортски аспект може да се пофали со традиција од 50 години. И во најтешките денови ние успеавме да ја одржиме традицијата. Ќе се игра на отвореното игралиште покрај Женска плажа од 16-ти до 20-ти август. На турнирот ќе има осум екипи, поделени во две групи и мислам дека ова може да биде еден од посилните турнири во последните години. Сите екипи се освојувачи на титули, како на домашната, така и на меѓународната сцена“; изјави Јовановски.

За значењето на турнирот зборуваше Наумче Мојсовски.

„Многу од нас токму на турнирот во Струга ги направиле првите чекори. Чест и одговорност е да се биде дел од организацијата на ваков турнир, еден од најстарите во Европа. Се надевам дека следното лето турнирот ќе биде под покровителство на претседателот на државата како и други спортски настани. Очекуваме одличен ракомет и сакаме фер и коректна борба“, порача Мојсовски.

Коментари
Прочитајте поврзани статии
Load More In Мак ракомет

Проверете

Македонија во четвртиот барабан: Патот до ЕП 2024 може да биде екстремно тежок!

Македонската фудбалска репрезентација ждрепката за квалификациите за Европското првенство …