Трагедија: Гром удри маратонец на 400 метри пред целта

Голема трагедија се случи на маратон во Канзас (САД).

Имено, 33 годишниот мартонец Томас Стенли трчал маратон од 50 километри и кога бил на 400 метри го удрило гром по што починал на лице место.

Маратонот се одржувал на Флет Рок патеката во паркот Елк Сити. Временските услови на стартот биле идеални, но во завршницата наеднаш времето се влошило и тој регион бил погоден од силно невреме.

По ударот од громот докторите и дел од маратонците се обиделе да му помогнат на несреќниот Стенли, но не можело ништо да се направи.

Инаку станува збор за познат маратонец кој трчал и на 100 километри. Неговото време се вбројувало на крајот од трката и тој завршил како 11-ти од вкупно 104 натпреварувачи.