Тонали плачеше како мало дете кога му кажаа дека мора да го напушти Милан

Сандро Тонали денеска го комплетираше трансферот во Њукасл, со што стана најскапиот Италијанец на сите времиња.

Имено, тој беше продаден за 70 милиони евра, а Милан заработи многу за него, но позадината е различна.

Како што пренесуваат италијанските медиуми, Сандро Тонали сакал да остане во Милан, но не му било дозволено, му било кажано дека ќе биде продаден.

Клупските челници му рекоа дека за него пристигнала неверојатна понуда од Њукасл и дека едноставно мораат да го продадат.

Тонали ги погледнал сопствениците на клубот и потоа едноставно почнал да плаче како мало дете, објавија италијанските медиуми.

Наводно, Тонали сакал цела кариера да ја помине во Милан бидејќи е голем фан на клубот и сакал да биде легенда на Милан.

Тој сакаше да биде новиот Малдини, но едноставно не му беше дозволено.

Сандро Тонали стана член на Росонерите во 2021 година. Тој пристигна од Бреша како еден од најдобрите млади играчи во Италија и беше платен само 14,5 милиони евра.

Вложените пари ги оправда на терен. Играше навистина добро, па не е ни чудо што на Сан Сиро пристигна огромна понуда, која не можеше да ја одбие.