Судот пресуди, но Алвеш остана во притвор

Бразилскиот фудбалер Дани Алвеш, кој беше осуден на четири и пол години затвор за силување, не успеа да собере милиони евра за кауција во дадениот рок и ќе мора да остане во притвор најмалку до понеделник.

Во средата судот во Барселона одлучи да му дозволи на Алвеш да се брани од слобода во жалбената постапка и одреди кауција од еден милион евра. Меѓутоа, бидејќи правните застапници на 40-годишниот бразилски фудбалер не успеале да ја платат таа сума до дадениот рок (петок, 14 часот по средноевропско време), Алвеш овој викенд ќе го помине зад решетки, а најрано може да биде ослободен е понеделник.

Бразилецот веќе 14 месеци се наоѓа во затворот Брајанс 2, кој се наоѓа на 40 километри северозападно од Барселона.

И покрај долгата и исполнета со трофеи кариера во која играше за некои од најдобрите и најбогатите европски клубови, како што се Барселона, Јувентус и Пари Сен Жермен, Дани Алвеш изгледа дека сепак има проблем да плати еден милион евра.

На 22 февруари оваа година, Алвеш беше осуден на четири и пол години затвор за силување на млада жена, што, според нејзината изјава, се случило ноќта меѓу 30 и 31 декември 2022 година, во ноќен клуб во Барселона. . Ниту една страна не е задоволна од ваквата одлука на судот, бидејќи бразилскиот фудбалер тврди дека е невин, а обвинителството побарало многу построга, деветгодишна затворска казна. Двете страни најавија дека ќе се жалат на пресудата.