Столе Димитриевски денес го заврши и победи во најдолгиот натпревар во историјата на шпанскиот фудбал!

Екипата на Рајо Ваљекано за која игра македонскиот репрезентативен голман Столе Димитриевски по пауза од шест месеци конечно го доигра натпреварот против Албасете.

Овој натпревар беше прекинат поради расистички скандирања после едно полувреме. Денес се доигра второто и победи Рајо со 1:0.

Шпанците овој меч го означија како најдолгиот во историјата на шпанскиот фудбал бидејќи почна во декември, а се доигра денес. По прекинот на натпреварот требаше да се одреди нов датум за оигрување, но тогаш се појави пандемијата со коронавирусот и дури денес го добивме крајниот епилог.

Така нашиот Димитриевски стана дел од тимот кој победил во најдолгиот натпревар во Шпанија.