Спектакуларни сцени во три часот по полноќ: Фудбалерите на Осасуна дочекани како херои 🎥

Спектакуларен дочек им приредија навивачите на фудбалерите на Осасуна откако тимот во реваншот од полуфиналето во Копа Дел Реј одигра 1:1 по продолженија и така ја одбрани предноста од 1:0 од првиот натпревар против Атлетик Билбао.

Тимот од Памплано првпат играше финале во 2005 година, а тоа беше и единствен пат. Тогаш Бетис ги совлада со 2:0. Оваа сезона тимот испиша историјата откако сите препреки од 1/16 финалето ги поминуваше или на продолженија или на пенали.

Прво со 2:1 го елиминираа третолигашот Гимнастик, потоа во осминафиналето на пенали беа подобри од Бетис, аво четвртфиналето по продолженија со 2:1 ја елиминираа Севиља. Вчера повторно играа продолженија.

Атлетик поведе со голот на Инаки Вилијамс во 33-тата минута. Осасуна голот за финале го постигна во 116-та минута преку Пабло Ибанез.

Во Памплона фудбалерите се вратија некаде околу три часот по полноќ, а таму добија спектакуларен пречек од своите навивачи.

Денес од „Ел Класико“, Осасуна ќе го добие противникот во финалето, а Барселона од првиот натпревар против Реал Мадрид има предност од 1:0.

🎶 "Illa, illa, illa, nos vamos a Sevilla" pic.twitter.com/rhaJjqvd3K

— C. A. OSASUNA (@Osasuna) April 5, 2023

👏 Pamplona is welcoming its heroes!!! ❤️#LetsGoRojillos pic.twitter.com/hkZ48k6IJV

— C. A. OSASUNA (@osasuna_en) April 5, 2023