![](https://sportski.mk/wp-content/uploads/2016/11/22.11psz1.jpg)
Британските власти одбија да му дадат виза на дефанзивецот на Пари Сент Жермен, Серж Орие, па бидејќи не може да ја помине границата нема да игра на утрешниот меч со Арсенал.
На 23-годишниот фудбалер од Брегот на слоновата коска не му беше одобрена виза за влез во Англија поради пресудата и казната која му беше изречена во септември за напад на полицаец.
Лига Нации: Се освен прво место ќе биде катастрофа за Македонија! ↓↓↓
„Изненадната одлука на британските власти да не му дадат виза на Орие влијаеше на тоа фудбалерот да не отпатува за Лондон на натпеварот против Арсенал. Изненадени сме од оваа одлука која ќе му нанесе штета на интегритетот на Лигата на шампиони“, стои во соопштението на ПСЖ.
„Светците“ тврдат дека првично британските власти му дале виза на Орие, но потоа истата била поништена. Францускиот клуб е лут бидејќи за тоа бил известен само 14 часа пред натпреварот.