„Сенаторите“ добиле јасна порака од Барселона: Ако не заминете ќе седите на клупа

Барселона ја загуби титулата во Шпанија од Реал Мадрид, а потоа беа посрамотени од Баерн Минхен во четвртфиналето на Лигата на шампиони со 2-8.

Раководството на каталонскиот гигант веднаш реагираше и ги промени тренерот Кике Сетиен и техничкиот директор Ерик Абидал, па за нов стратег беше поставен Роналд Куман, а сега следат промени и меѓу играчите.

Барселона веќе реши да ги постави ѕвездите на трансфер-листата, а таму се Луис Суарез, Жорди Алба, Серхио Бускетс и Жерар Пике, а според медиумите, тие добиле јасна порака.

Ако не бидат продадени во текот на летниот преоден рок, тогаш ќе се преселат на клупата за следната сезона, а тоа сигурно ќе биде удар за нив бидејќи беа навикнати да играат во првиот состав.