Сега претераа: Баерн и краде на Борусија Дортмунд уште една ГОЛЕМА ѕвезда

Од Германија денеска пристигна „жешка“ информација, Баерн Минхен е заинтересиран за фудбалерот на Борусија Дортмунд, Кристиан Пулишиќ.

Како што пренесува доверливиот весник „Bild“, Баерн влезе во трка за потписот на 19-годишниот Американец, кој е мета на пола Европа. Баерн смета дека Пулишиќ би бил идеална замена за Робен и Рибери кои се на чекор од крајот на своите богати кариери.

Особено заинтересирани за Пулишиќ се и Ливерпул и Манчестер Јунајтед, Борусија нема да го пушти за помалку од 100 милиони евра, бидејќи изгледа дека тоа денеска е почетна цена за сите играчи на пазарот. Позицијата на крилниот напаѓач е приоритет на Баерн, поради споменатите Робен и Рибери, но прашањето е дали и Родригез ќе остане во клубот.