Санчез ќе се степал на тренингот на Јунајтед!?

Најскапо платениот играч на Манчестер Јунајтед кој заработува неверојатни 26 милиони фунти по сезона е во нов проблем.

Чилеанецот се опоравува од повредата која ја заработи во текот на Копа Америка, денес тренираше со екипата, но тоа не се заврши добро.

Според пишувањето на англиските медиуми младиот Мејсон Гринвуд имал еден невнимателен старт над Чиленаецот после што тој бурно реагирал, а според „Сан“ морале да интервенираат соиграчите и тренерите.

После овој инцидент на Санчез кој и онака е непожелен поради високата плата него му се поставени два избора – заминување или преселба во резервниот тим.

Засега се споменува Серија А каде што Рома покажува интересес меѓутоа тие го сакаат на позајмица и притоа Јунајтед да плаќа поголем дел од неговата плата.

До крајот на преодниот рок во Италија има уште девет дена, па останува да се види што ќе се случи.