Само што пристигна веќе ги освои срцата на „топџиите“!

Младиот фудбалер на Арсенал, Матео Гендузи го освои признанието за најдобар фудбалер во редовите на Арсенал за месец август во изборот на навивачите.

Талентираниот 19 годишен играч за врска импресионираше на првите настапи во дресот на новиот клуб и стана само четвртиот тинејџери кој настапил на сите четири натпревари во Премиер лигата на стартот од сезоната.

Пред него ваков учинок успеаа да постигнат Николас Анелка, Цеск Фабрегас и Јоан Џуру.

Најголеми конкуренти на младиот фудбалер му беа голманот Петар Чех и Хенрик Михтаријан, но за Гендузи гласале дури 68% од навивачите на „топџиите“.