Салах ја менува историја во Ливерпул: Денес ги остави зад себе Торес и Роби Фаулер!

Мохамед Салах денес во натпреварот против Бурнемоут постигна три погодоци во победата на Ливерпул од 4:0.

После нешто послабиот старт на сезоната, Салах конечно заигра како што се очекува и стигна до бројката од десет лигашки погодоци и сега го дели првото место на листата на стрелци со Пјер Емерик Обамејанг.

Покрај тоа египетскиот фудбалер денес стигна до бројката од 40 лигашки погодоци за Ливерпул и за тоа му беа потребни само 52 настапи што е најбрзо во историјата на Ливерпул.

На Фернандо Торес за бројката од 40 лигашки погодоци му беа потребни 60 натпревари, на Роби Фаулер 77, а истиот број натпревари му беа потребни и на Мајкл Овен.

На петото место се наоѓа Луис Суарез кој својот 40-ти гол за Ливерпул го постигна во 78-иот настап.