Роберто Карлос повторно станува тренер?

Легендарниот лев бек на Реал Мадрид и репрезентацијата на Бразил, Роберто Карлос е уште еден од поранешните фудбалери на „кралевите“ кој се проба како тренер, сега би можел да се врати на работата покрај аут линијата.

Зинедин Зидан со голем успех работи во Реал, Сантијаго Солари исто така имаше прилика да биде на негово место. Сега од познатите „Галактикоси“ може да излезе уште едно тренерско име.
Карлос откри дека на големо размислува да стане тренер.

„Веќе добив неколку понуди да работам во Мексико. Не знам во кој клуб може да започнам, но повиците од агентот и претседателите во Мексико се добар знак“, изјави Карлос.

Во овој момент Карлос е во Реал во макретинг секторот, меѓутоа според неговата изјава работите би можеле да се променат.