Реал Мадрид најде замена за Бензема

Реал Мадрид е во потрага по млад напаѓач кој ќе може да биде алтернатива за Бензема и долгорочна замена за Французинот.

Откако не успеаа да го донесат Ерлинг Халанд, сега „кралевите“ се во потрага по други решенија, а најнова мета е Тимо Вернер.

Германецот не е задоволен од својот статус во Челзи и сака да ја промени средината, а Реал е спремен да ја искористи таквата ситуација.

Германскиот напаѓач беше желба и на Јувентус, но наводно сега е поблиску до потпис со Реал Мадрид, кој активно бара замена за Бензема.

Анчелоти смета дека Вернер ќе биде корисен за неговиот тим бидејќи може да игра на повеќе позиции во нападот.