Рамос за мајсторијата на Меси: И во Барса така ги решаваше натпреварите, се радувам што ми е соиграч

Долго време Серхио Рамос водеше фудбалска „војна“ на теренот со Меси, а често пати сме гледале и нивни вербални судири во „Ел Класико“, меѓутоа сега заедно се обидуваат да победуваат во ПСЖ.

Вчера, ПСЖ имаше тежок натпревар против Лил во кој на крајот славеше победа со 4:3. Одлучувачки беше голот на Меси од слободен удар во судиското продолжение.

За овој гол на Меси зборуваше и Рамос по натпреварот.

„Вакви работи од Меси повеќе не ме изненадуваат. Во Барселона беше навикнат вака да ги решава натпреварите, како што сега го реши овој за нас.

Се радувам што сега е дел од мојот тим. Многу јасно е дека секако е подобро да го имате Лео на ваша страна. Ние имаме иста цел, а тоа е да победуваме со ПСЖ, нашиот однос е одличен со голема меѓусебна почит“, истакна Рамос.

Can’t believe I missed this Messi free kick 🥺😍😍😍
pic.twitter.com/7OVbaAYImg

— Adriana 🇫🇷🇪🇸🇬🇷🇩🇴 (@Adrianamessi30) February 20, 2023