Раиола за враќањето на Балотели во Италија: Разговарав со Јувентус, Интер, Рома и Наполи

Четири клуба во игра за контроверзниот напаѓач, а кога во прашање е Донарума неговиот став е непроменет.

Мино Раиола се огласи по повод шпекулациите околу судбината на двајца свои клиленти и најави враќање на Балотели во Италија.

„Разговарав со Јувентус, Рома, Наполи и Интер, тој е помеѓу најдобрите десет напаѓачи во светот, вреди 100 милиони, а ќе биде слободен играч. Не, нема да се врати во Милан, не можам да разговарам со Мирабели бидејќи не сум негово ниво“, ироничен е Раиола.

Балотели е спремен да се врати“, додаде Мино.

Потоа контроверзниот менаџер зборуваше за голманот на Милан, Донарума.

„Минатото лето одлучи да остане во Милано и ја почитувам неговата одлука. Но, ако сака да замине веднаш ќе работам на тоа. Според мене мораше да го напушти Милан уште минатата година“, повтори Раиола.