Дома Топ вести ПСЖ ќе ја активира откупната клаузула на Гризман

ПСЖ ќе ја активира откупната клаузула на Гризман

Антоан Гризман минатото лето беше на чекор од Барселона, но на крајот се реши да остане во Атлетико Мадрид и го продолжи договорот со „јорганџиите“.

Сепак, Французинот најверојатно се покаа поради таквиот потег, па „ЕСПН“ тврди дека преку својот агент се понудил на неколку од европските најголеми клубови, меѓу кои и Барселона.

Меѓутоа, Барселона сега не планира да го ангажира играчот кој ги одби минатата сезона и ќе се насочи кон други трансфер цели.

Во меѓувреме еминентниот „Екип“ тврди дека целата ситуација внимателно ја следи ПСЖ кој сака да го доведе Гризман во своите редови.

Се поголеми се шпекулациите дека „светците“ на лето можат да останат без Нејмар или Мбапе, па во Гризман гледаат идеално засилување.

Гризман е отворен за трансфер во ПСЖ, иако Атлетико веројатно ќе бара Французите да платат 200 милиони евра, колку што изнесува неговата откупна клаузула.

Според францускиот весник „Екип“, до јуни откупната клаузула ќе биде „само“ 120 милиони евра, што воопшто нема да претставува проблем за Пари Сент Жермен.

Коментари
Advertisements
Прочитајте поврзани статии
Load More In Топ вести

Проверете

Спектакуларен Дејвис во победата на Лејкерси, Бјелица и Богдановиќ подобри од Дончиќ (ВИДЕО)

Кошаркарите на ЛА Лејкерси изминатата вечер на свој паркет ја победија Минесота со 142:125…