Промени во Формула 1: Квалификациите стануваат спринт на 100 километри?

Првите луѓе на Формула 1 сериозно ја разгледуваат можноста да го променат системот на квалификциите пред трките.

Формула 1 од поодамна стана голем бизнис и тоа е јасно, а луѓето од управата на оваа организација се трудат да привлечат уште публика.

Квалфикациите не се гледани како некогаш и јасно е дека мора да се воведат некои промени за тие повторно да и бидат интересни на публиката.

Наводно, од Формула 1 сериозно размислуваат да го променат системот на квалификации, односно истите да се претворат во спринт трка. Квалификациите би биле трка на 100 километри без лимит на гориво и гуми.

Според распоредот од спринтот би се формирлала „поставата“ за трката. Секој тим ќе има шанса да го каже своето мислење за ваквиот предлог и доколку тој биде прифатен се очекува да биде усвоен во 2021 година.