Претседателот на Сити: Ќе донесеме адекватна замена за Агуеро

Претседателот на Манчестер Сити, Ал Мубарак вети дека клубот ќе донесе адекватна замена за Серхио Агуеро.

Аргентинецот го напушти клубот како слободен агент, а во изминатите години стана најдобар стрелец во историјата на клубот.

Приоритет на „граѓаните“ во летниот преоден рок ќе биде доведување на врвен напаѓач, а на листата се наоѓаат Хари Кејн, Халанд, Лукаку…

„Загубивме легенда како Серхио Агуеро. Многу е тешко да се потполни неговото место, но ќе го донесеме вистинскиот играч за да го замени. Има и други зони во тимот кои треба да бидат засилени, но приоритет е секако нападот“.

„Мислам дека имаме одличен тим и немаше да ја освоиме Премиер лигата и да дојдеме до финале во ЛШ ако не беше така. Не ни е потребен квантитет, но ќе го зголемиме квалитетот на трансфер пазарот“, изјави претседателот на Сити.