Пресврт: Џилардињо сепак не ја напушта Италија?

Прославениот италијански напаѓач Алберто Џилардињо е на чекор од пронаоѓање нов ангажман и тоа во Серија Б.

Џилардињо во овој момент е слободен фудбалер и за него голем интерес покажа англискиот премиерлигаш Кристал Палас, но според последните информации екипата на Спезија која се натпреварува во Серија Б сега има поголеми шанси да го доведе.

Според италијанските медиуми, Џилардињо веќе постигнал договор од две години со овој италијански клуб и во текот на денот би можел и официјално да биде претставен во овој клуб.

Поранешниот напаѓач на Милан поседува искуство од играње во бројни италијански клубови, а за репрезентацијата одигра 57 натпревари и постигна 19 погодоци.

Минатата сезона овој фудбалер кој веќе има 35 години настапуваше за Пескара.