Постигнат договор: Јовиќ се сели во Серија А

Фиорентина и Реал Мадрид постигнаа договор за трансфер на српскиот напаѓач, Лука Јовиќ, пренесоа медиумите на Апенините.

Постигнат е комплетен договор и Јовиќ следната сезона ќе ја помине на позајмица во Серија А.

Фиорентина ќе ја плаќа половината од неговата плата, односно 3 милиони евра, а останатата половина ќе ја плаќа Реал Мадрид.

Јовиќ во 2019 година потпиша за „кралевите“ во трансферот од Ајнтрахт Франкфурт, но се покажа како големо разочарување и едно од најлошите засилувања во историјата на Реал.

Јовиќ смета дека Фиорентина е идеален клуб каде ќе ја „оживее“ својата кариера, после неуспешните сезони во Реал Мадрид.