Покетино и Гвардиола во „борба“ за новиот „Фелаини“

„Скај Спорт“ во денешното издание пренесува дека Пеп Гвардиола и Маурисио Покетино се заинтересирани за младиот фудбалер за врска кој настапува Лориент.

Матео Гиендузи има 18 години и настапува за Лориент, одигра осум натпревари во Лига 1, а оваа сезона е релативно стандарден фудбалер во тимот кој посакува да се врати во елитата.

Интересно е што по изгледот потсетува на Маруан Фелаини. Гиендузи носи иста фризура како и фудбалерот на Манчестер Јунајтед, можеби и му е идол, бидејќи како и Фелаини и тој е дете на емигранти од Мароко.

И покрај мароканското потекло, Гиендузи ги бранеше боите на репрезентацијата на Франција во младинските категории.

Тој има договор со Лориен до јуни 2019 година, а неговата моментална вредност на трансфер пазарот изнесува околу 800.000 евра.

Manchester City and Tottenham are both keen on 18-year old FC Lorient midfielder Matteo Guendouzi. (Source: SkySports) pic.twitter.com/QMZ5JzB68d

— Transfer News Live (@DeadlineDayLive) December 11, 2017