Педро ќе треба да и плати на Рома, ако сака да остане во Лацио

Педро минатото лето направи шокантен трансфер на Апенините и од Рома се пресели во Лацио како слободен агент.

По пристигнувањето во Лацио, Шпанецот мораше да се согласи со клаузула во договорот според која на својот поранешен клуб ќе треба да му плати милион евра отштета доколку го продолжи договорот со „небесносините“.

Неговиот договор со Лацио истекува на крајот на оваа сезона, па ако сака да го продолжи, ќе мора да и плати на Рома 1 милион евра.

Напаѓачот стана прв играч од 1985 година кој од Рома преминал во Лацио, а „волчицата“ му го дозволи тоа со специјална клаузула во договорот.