Пандев: Косово не истроши и психички и физички, но утре ќе дадеме се од себе!

Пред утрешниот натпревар со Грузија селекторот Игор Ангеловски и капитенот Горан Пандев денес одржаа прес-конференција.

Капитенот Горан Пандев најави дека сите што се во селекцијата ќе го дадат максимумот.

“Сигурно дека тие што сме тука ќе го дадеме максимумот. Ова е трет натпревар за нас знаеме Косово колку не истроши и психички и физички. Сепак спремни сме утре да излеземе и да го добиеме натпреварот. Ние што сме тука сите конкурираме за првите 11. Ова е еден пеколен ритам и не може секогаш да се победи, таков е фудбалот. Наша цел е утре да победиме и да дојдеме на чекор од таа прва позиција“, изјави Пандев.