Официјално: Салах прогласен за најдобар во Премиер лигата

Мохамед Салах заслужено оваа сезона ги собра индивидуални признанија. Ѕвездата на Ливерпул беше прогласен за најдобар фудбалер во Премиер лигата.

Египетскиот репрезентативец блеска оваа сезона во дресот на Ливерпул и на еден меч пред крајот има постигнато 31 гол на 35 настапи во Премиер лигата.

Ѕвездата на Ливерпул претходно ја доби и престижната награда играч на годината во избор на колегите, односно асоцијацијата на професионални фудбалери, а беше прогласен и за фудбалер на годината од страната на асоцијацијата на фудбалски новинари.

„Среќен сум, чест ми е што ја освоив оваа награда. Секогаш на ум имав намера да се вратам во Премиерлигата и на луѓето кои велеа дека не сум успеал тука првиот пат да им покажам што можам“, истакна Салах.