Официјално: Лидс промовираше уште едно големо засилување

Лидс Јунајтед сезонава игра во Премиер лигата и очигледно има намера да не се врати во понизок ранг.

Родриго од Валенсија е најголемото засилување, но денес стигна уште еден квалитетен играч. Англискиот тим како свој нов играч го промовираше Диего Љоренте кој доаѓа од Реал Сосиедад. За 27 годишниот дефанзивец Биелса ќе плати 20 милиони евра.

Љоренте е добро познато име, поранешен играч на Реал, а забележа и настапи за репрезентацијата на Шпанија.

Покрај него во одбраната ќе игра новодојдениот Коч или некој од играчите кои минатата сезона беа дел од тимот за кој игра и македонскиот репрезентативец Езгјан Алиоски. Како што споменавме најзавучно засилување во досегашниот преоден рок за Лидс е Родриго за кого платија 30 милиони евра.

Лидс во првите два натпревари во Премиер лигата покажа дека ќе биде сериозен противник за секого, а сега се очекува да бидат уште поцврсти во одбраната.