Одлични вести за Клоп, се вратија сите повредени фудбалери

Менаџерот на Ливерпул, Јирген Клоп конечно нема кадровски проблеми кои беа многу чести во последните две сезони.

На денешната пресконференција пред мечот со Кардиф во ФА Купот, Германецот изјави дека сите повредени фудбалери се вратиле на тренинзите и му се на располагање.

Харви Елиот, Алкантара, Наби Кеита и Дивок Ориги се на располагање, единствено недостасуваат Садио Мане и Мохамед Салах кои се на Африканскиот Куп.

Клоп објави дека и двајцата ќе се вратат и ќе бидат на располагање за дуелот со Лестер во четврток.

„Импресиониран сум од рехабилитацијата на Харви, кој работеше напорно. Сигурно ќе биде дел од групата за мечот со Кардиф, како и останатите кои се опоравија од повредите“, изјави Клоп.