Овие се новите правила во Премиер лигата

Премиерлигата го донесе планот за враќање на фудбалот, па официјалниот рестарт се чека на 17-ти јуни.

Очекувано, протоколот за натпреварите е многу прецизен, а предложени беа неколку интересни работи кои клубовите мора да ги почитуваат.

Клубовите на натпреварите ќе може да пријават 20 играчи, од кои 17 ќе бидат во екипата и три на „чекање“. Исто така, ќе може 12 члена од медицинскиот и тренерскиот персонал да се најдат на стадионот, како и 10 претставници на екипите.

Вкупно на натпреварите во Премиерлигата ќе може да присуствуваат 300 луѓе, а сите ќе бидат на одредено растојание и интересно е тоа што и судиите во ВАР-собата ќе бидат разделени на повеќе локации.

Организаторите на преносот ќе можат да имаат 98 вработени на стадионот и 75 члена надвор од стадионот, а ќе бидат дозволени максимум 25 новинари од печатените медиуми и 15 за радио преноси.