Легендарниот напаѓач Мајкл Овен смета дека Пол Погба би бил еден од најдобрите играчи во светот доколку игра во поинаков систем и под водство на некој друг тренер.
Францускиот репрезентативец игра во слаба форма оваа сезона и понекогаш натпреварите ги започнува од клупата за резерви, а кога игра не е ниту бледа сенка од оној играч во Јувентус.
Пред дербито, падна најважниот потпис во Манчестер Сити! ↓↓↓
Овен смета дека начинот на кој Мурињо го води Манчестер Јунајтед не одговара на стилот на Погба и поради тоа Французинот не може да ги покаже своите квалитети.
„Според мене Погба би можел да биде голем играч во друг тим со поинаков систем. Ме нервира она што го гледам од недела во недела бидејќи знам дека Погба е многу подобар од тоа. Малку го сожалувам бидејќи тренерот не го извлекува најдоброто од него“.
„Верувам дека тренерот е тој кој мора да превземе одговорност и тоа поради системот кој го форсира. Кога го гледате Погба можете да помислите дека се работи за некој кој има 16 или 17 години и уште учи да игра фудбал. Доколку игра под водство на Гвардиола или Клоп би бил еден од најдобрите играчи во светот, сега за него тоа не можеме да го кажеме“, изјави Овен.
Учество во игри на среќа е дозволено за лица со 18+ години. Играј одговорно!