Нови детали за состојбата на Ван Дер Сар

Легендарниот голман на Ајакс, Манчестер Јунајтед и репрезентацијата на Холандија кој од 8-ми јули беше на интезивна нега во Сплит поради мозочно крварење е во стабилна состојба.

Ван Дер Сар вчера бил отпуштен од Клиничкиот центар во Сплит и своето лекување ќе го продолжи во Холандија.

Наредниот период тој ќе го помине во холандската болница на интезивна нега, меѓутоа сега е во стабилна состојба и комуницира со најблиските.

Неодамна Ван Дер Сар поднесе оставка од местото генерален директор во Ајакс каде што помина 11 години, по разочарувачката сезона за овој клуб кој заврши на третото место во холандското првенство.