Ница го ‘откачи’ Балотели, но за нов клуб не чекаше долго

Скај Италија тврди дека раководството на Ница донело одлука за негово отпуштање, а 28. годишниот напаѓач нема да ја менува лигата и ќе потпише договор со еден од најголемите француски клубови.

Италијанецот претходната сезона одигра одлично во овој тим. Постигна 26 погодоци на 38 натпревари и во текот на летото ја продолжи соработката за уште една година.

Сепак, оваа сезона застана. Во 10 одиграни натпревари не направи апсолутно ништо, а тренерот Патрик Виеира го отпиша од сите комбинации.

Балотели по кој знае кој пат ќе добие нова шанса во кариерата, а новиот клуб Марсеј ќе се обиде да го извади најдоброто од него.

Балотели во кариерата покрај Ница настапуваше уште и за Милан, Ливерпул, Манчестер Сити и Интер.