Некој испаѓа, некој се враќа – Кои се „новајлиите“ во најдобрите пет лиги?

Вторите по ранг натпреварувања се пред самиот крај, борбата за влез во најсилната лига се повеќе се разгорува.

Наредната сезона во најсилните лиги во Европа ќе гледаме некои добро познати клубови, но има и клубови кои досега никогаш не се натпреварувале во највискиот ранг во својата држава.

Англија

Њукасл се врати во Премиер лигата и тоа експресно откако минатата сезона испаднаа. Заедно со Њукасл во Премиер лигата се враќа и Рафа Бенитез. Покрај тимот на Бенитез во Премиер лигата следната ќе го гледаме и Брајтон. Третиот патник ќе биде позна после плеј-офот во кој играат Рединг, Фулам, Шефилд и Хадерсфилд.

Италија

На едно коло пред крајот во Серија Б имаме еден сигурен патник во Серија А, а тоа е тимот на Спал кој се враќа во калчото после 49 години. Од останатите тоа најверојатно ќе биде Верона која има меч топка против Чезена на која бодовите ништо не и значат.

Во плеј-офот покрај Верона или Фросиноне, ќе играат екипата на Цитаделa, Перуџа и Бенвента, а фаворити да се најдат во плеј-офот се уште Карпи и Спезиа. Новара е единствената екипа која може да ги загрози Карпи и Спезиа.

Германија

Во Германија две екипи одат директно во Бундеслигата а третата игра бараж. Познато е дека тие три тима ќе бидат Штудгарт, Хановер и Брауншвајг, но редоследот сеуште не се знае.

Штудгарт и Хановер имаат по 66 бодови, Браушвајг има 63. Сепак, Брауншвајг има најлесна задача во пред последното коло го дочекува Карлсуа, Штудгарт игра како домакин против Вуркубргер, а Хановер гостува кај Садхаузен. По еден освоен бод на Штудгарт и Хановер ќе значи и нивни пласман во Бундеслигата.

Шпанија

Стандардно, ова првенство завршува последно, ќе се играат уште четири кола, а за сега познат е само еден сигурен учесник.

Тоа ќе биде тимот на Леванте, имаат 19 бодови повеќе од Гетафе кој е на третата позиција. Покрај нив, Гирона е главен конкурент за пласман во Примера, имаат седум бодови повеќе од Гетаде и би можеле наскоро да го осигураат својот пласман.

Гетафе, Тенерифе, Кадиз и Уеска се екипите кои во овој момент се наоѓаат од 3 до 6 место на тебелата, а тоа се места кои водат во плеј-офот.

Франција

Најинтересна борба ќе се води токму тука.

На само едно коло пред крајот, а до сега ниту една екипа не е сигурен патник во Лига 1.

Стразбур има 64, Амиен и Троа по 63, Лернс и Брест во 62, Ним 61. Директен пласман ќе обезедбат два тима, еден оди во бараж.