На дански репрезентативец му е дијагностициран дијабет

На Каспер Долберг му беше дијагностициран дијабет и ќе ги пропушти натпреварите во ноември за данската репрезентација, за да го продолжи лечењето.

Напаѓачот на Ница ја соопшти својата здравствена состојба на социјалните мрежи, но се очекува неговата дијагноза да не му попречи и понатаму да игра фудбал.

„Конечно ја открив причината поради која се чуствував чудно во последните недели. Среќен сум што лекарите можат да ми препорачаат правилно лечење и тоа нема да има никакво влијание брз мојата фудбалска кариера“, истакна Долберг.

Данска веќе се пласира на Светското првенство во Катар, па неговото отсуство на последните два меча нема да биде пресудно.