Најтежок пораз за Леброн Џејмс во кариерата

Кошаркарите на Лос Анџелес Лејкерс се поразени на гостувањето кај Филаделфија, предводени од одличниот настап на Џоел Ембид.

Центарот не ја одигра четвртата четвртина, а натпреварот го заврши со 30 поени, 11 скока и 11 асистенции во победата на неговиот тим од 138:94.

Од друга страна, Леброн Џејмс по лошо ќе го памети овој меч.

Најдобриот стрелец во историјата на НБА од синоќа и играчот кој одигра најмногу минути во неа го претрпе најголемиот пораз во својата блескава кариера која започна во 2003 година.

Никој досега не го победил него и неговиот тим со 44 поени разлика, колку што беше синоќа во Филаделфија за домашниот тим.

Ова беше седми последователен пораз на Лејкерси против Филаделфија, а воедно и најголем во серијата од 290 натпревари.