Навивачите на Милан ќе бидат бесни: Тео Ернандес за 50 милиони се сели во големиот ривал

Милан и оваа сезона бележи лоши резултати и без разлика кога ќе се заврши сезоната „росонерите“ нема да можат да обезбедат пласман во Лигата на шампиони.

Поради тоа на лето повторно се очекуваат големи промени во таборот на „росонерите“, а последната вест која доаѓа од Апенините сигурно ќе ги разочара навивачите на Милан.

Единствена светла точка кај „росонерите“ оваа сезона е Тео Ернандес, кој во летото пристигна од Реал Мадрид за 20 милиони евра. Тој игра фантастично оваа сезона и се етаблираше во еден од најдобрите леви бекови во Европа.

„Газета дело Спорт“ пренесува дека Јувентус е силно заинтересиран за Французинот и спремил понуда од 50 милиони евра.

22-годишниот лев бек оваа сезона одигра 25 натпревари за Милан на кои постигна 6 гола и запиша 2 асистенции, а на лето може да се пресели во редовите на големиот ривал.

Сепак, јасно е дека Милан нема така лесно да се откаже од својата нова ѕвезда.