Му се смее цел свет: Мажиќ во Кина исклучи погрешен играч (видео)

Еден од најдобрите европски судии, Милорад Мажиќ денес ја започна својата авантура во Кина и уште во првиот меч го судеше големото кинеско дерби помеѓу Шангај Шехуа и Шангај СИПГ, кое заврши со голема победа на гостите од 0:4.

Меѓутоа, Мажиќ ќе сака што побрзо да го заборави својот прв меч во Кина кој го одбележа една негова голема грешка.

Имено, во 73-та минута од мечот српскиот судија исклучи погрешен играч. Тој му покажа црвен картон на Шил Лин иако прекршокот го направи Џа Џун.

За негова среќа го корегираше ВАР технологијата која му сугерираше на Мажиќ дека погрешил, па Србинот ја исправи одлуката.