Меси ќе се врати во репрезентацијата, но кога?

Генералниот менаџер на Аргентинците ја израдува фудбалската јавноста во неговата земја.

Лионел Меси не настапил за Аргентина уште од завршувањето на Светското првенство во Русија во 2018 година и поразот од Франција со резултат 4:3.

Не беше познато кога и дали асот на Барселона ќе се врати во репрезентацијата за која постигна 65 погодоци на 128 натпревари.

Сепак, „Гаучосите“ можат да воздивнат. Генералниот менаџер на репрезентација, Хорхе Буручага изјави дека не знае кога ќе се врати Меси, но дека не е возможно тој да не заигра за Аргентина.

„Се уште не е познато кога Меси ќе се врати, но реално е тоа да се случи наредната година. Опцијата да не заигра повторно во националниот дрес е невозможна. Сигурен сум дека следната година повторно ќе биде во репрезентација“, изјави членот на познатата генерација на Аргентина од 1986 година кога „Гаучосите“ стигнаа до титулата на Мундијалот во Мексико.