Англискиот селектор Герет Саутгејт ги остави дефанзивецот Хари Мегваер и играчот од средниот ред Џек Грилиш надвор од неговиот тим од 26 играчи за Европското првенство.
Хари Мегваер од Манчестер Јунајтед, кој има 63 натпревари за националниот тим, не е доволно закрепнат од повредата и Герет Саутгејт размислувал да го остави надвор од последниот тим.
По оваа одлука на селекторот Мегваер напиша дека е уништен.
„Уништен сум што не бев избран за Англија. И покрај моите напори, не успеав да ја надминам повредата на листот.
Можеби премногу форсирав за да успеам. Изнервиран сум. За мене, да се носи дресот на Англија е голема чест. Одете и победете момци“, напиша Мегваер на социјалните мрежи.
Коментари
Учество во игри на среќа е дозволено за лица со 18+ години. Играј одговорно!