Мегваер го напушта Манчестер и се сели во големиот ривал

Англиските медиуми пишуваат дека Хари Мегваер е незадоволен во Манчестер Јунaјтед бидејќи го загубил статусот на првотимец, па може да го напушти клубот.

Мегваер пред три години потпиша за „ѓаволите“ од Лестер за 87 милиони евра, но не ги оправда очекувањата и затоа често е на удар на навивачите.

Англичанецот очигледно планира да им ја „исполни желбата“ и да замине од Манчестер, а како негова следна дестинација се споменува Тотенхем кој во моментов бара дефанзивец.

Антонио Конте смета дека Мегваер одлично би се вклопил во неговиот систем на игра и е спремен да плати околу 25 милиони евра за неговите услуги.