Македонија денеска ги започна подготовките за Хрватска и Чешка

Македонската фудбалска репрезентација денеска ги започнува подготовките за пријателските натпревари против Хрватска и Чешка, а најголем дел од фудбалерите веќе пристигнаа во Скопје.

Македонија ќе одигра два контролни натпревари на гостински терен, прво против Хрватска на 3-ти јуни, а потоа против Чешка седум дена подоцна.

Oвие натпревари се подготовка за предизвиците во Лигата на Нации кои Македонија ја очекуваат на 10-ти септември, тогаш ќе играме против Фарски Острови, па со Ерменија три дена подоцна.