Ливерпул со минималец до максимални седум (видео)

Тимот на Јирген Клоп продолжува со перфектниот старт во Премиер лигата и денес ја запиша седмата победа од исто толку натпревари.

„Црвените“ потешко од очекувањата славеа на гостувањето кај Шефилд Јунајтед со 1:0.

Клучниот момент се случи во 70-та минута кога Вајналдум шутираше, топката се одби од еден од играчите на Шефилд, а потоа голманот несмасно интервенираше и топката заврши во голот.

Втор пат во историјата Ливерпул има седум победи по ред, претходно тоа се случи во 1990-91 кога ги добија првите осум натпревари.