Лео Меси откри кој е неговиот најомилен натпревар одигран во кариерата

Еден од најдобрите фудбалери на светот Лео Меси даде интервју за RAC1 кое предизвика големо внимание кај фудбалската јавност.

Меси зборуваше за тоа дека планира својата кариера да ја заврши во дресот на Барселона со надеж дека ќе игра уште неколку години на големата сцена.

Исто така, Аргентинецот откри и кој му е најомилен натпревар, а сигурно не му било лесно да избере од многуте одлични настапи во дресот на Барса и Аргентина.

Меѓутоа, Меси без многу дилеми кажа дека најомилен натпревар кој го одиграл е оној на Сантијаго Бернабеу во 2011. година во полуфиналето на ЛШ.

Тогаш Барса го победи кралскиот клуб со 2:0, а двата гола ги постигна Меси. Посебно импресивен беше вториот гол кога Меси направи слалом низ одбраната на Реал и го совлада Касиљас.

🗣 Leo #Messi: “My idea is to retire at Barça” 💙❤

— FC Barcelona (@FCBarcelona) October 9, 2019