Легендата на Арсенал ЗНАЕ зошто Озил игра под своето ниво!

Легендата на Арсенал има одговор на прашањето кое ги мачи „топџиите“.

Месут Озил е непрепознатлив оваа сезона. Од сите фудбалери на Арсенал, Германецот е најчесто критикуван, причината е што неговите настапи се навистина слаби, податокот дека не запишал ниту една асистенција и не постигнал ниту еден погодок доволно зборува во каква форма се наоѓа Озил.

Мартин Кион не разбира зошто Венгер ја толерира негова ноншалантност, Пол Мерсон смета дека не работи доволно за тимот, додека Роберт Пирес проблемот го гледа во трансфер политиката на Арсенал.

„Озил е фудбалер кој сака да освојува трофеи и јас мислам дека е бесен што Арсенал не направи екипа која е способна за нешто такво. Освен Лаказет во клубот не пристигна ниту еден фудбалер кој може да направи разлика“, смета Пирес.