Лампард се враќа на работа, ќе води лондонски клуб

Легендата на Челзи, Френк Лампард пред шест месеци доби отказ од кормилото на „сините“, но сега е спремен да се врати на тренерската работа.

Англиските медиуми пренесуваат дека Кристал Палас е сериозно заинтересиран за Лампард и смета дека ќе биде идеална замена за Рој Хоџсон.

Раководството на Кристал Палас веќе стапило во контакт со Лампард, кој е спремен да каже ДА, па преговорите се во напредна фаза.

Лампард на клупата на „сините“ беше 18 месеци, а во првата сезона успеа да избори пласман во Лигата на шампиони.

Тој не сака долго да биде без работа, па поради тоа ја прифатил понудата на лондонскиот клуб.