Крсте Велкоски го продолжи договорот со Сараево

Македонскиот напаѓач, Крсте Велкоски денеска стави потпис на нов договор со босански Сараево.

Велкоски во Сараево прв пат пристигна во 2014. година, а за враќање се одлучи во јули 2017. година. Брзо ги освои симпатиите на навивачите и набрзо ја доби капитенската лента.

Новиот договор ќе важи до 2021. година.

„Мило ми е што успеав да се договорам со Сараево и што за овој клуб ќе настапувам и наредниот период. Се надевам дека ќе ги оствариме нашите цели.“ – изјави Велкоски.

Сараево има пет бода повеќе Зрински, а Велкоски се надева дека на првото место ќе останат и по крајот од сезоната.