Светската фудбалска организација ФИФА денеска го скрати списокот и ги номинираше фудбалерите кои ќе конкурираат за најдобар играч за периодот од 19-ти декември до 20-ти август.
Во битка за наградата се голгетерот на Манчестер Сити, Ерлинг Халанд, Килијан Мбапе од ПСЖ и Лионел Меси кој најмногу е во конкуренција поради освојувањето на Светското првенство со Аргентина.
Останувањето на овие тројца во игра беше и очекувано, а претходно на листата беа уште: Деклан Рајс, Бернардо Силва, Илкај Гундоган, Хулијан Алварез, Квича Кварацхелија, Кевин де Брујне, Марсело Брозовиќ, Родри и Виктор Осимен.
Наградата ФИФА ќе ја додели на церемонијата закажана на 15-ти јануари. Во гласањето учествуваат селекторите и капитените на репрезентациите, како и одреден број новинари.
Учество во игри на среќа е дозволено за лица со 18+ години. Играј одговорно!