Конечно се огласи Погба: Се може да се случи во наредните месеци!

Иднината на Пол Погба е една од главните теми во англиските медиуми кои тврдат дека Французинот сака да го напушти Манчестер Јунајтед.

Веќе подолго време се тврди дека најскапиот фудбалер на „црвените ѓаволи“ не е во добри односи со менаџерот Жозе Мурињо и дека тоа е една од главните причини за неговите слаби игри.

И самиот Погба не е сигурен дали ќе остане на „Олд Трафорд“ и призна дека се може да се случи во наредните месеци.

„Мојата иднина во овој момент е во Манчестер бидејќи имам договор со клубот, но кој знае што може да се случи во наредните неколку месеци“, изјави Погба, а потоа проговори за односот со Мурињо.

„Имаме чист однос фудбалер-тренер. Верувајте дека јас секогаш ќе давам 100% од себе кој и да е тренер на Јунајтед. Тоа е се што можам да кажам“, додаде Французинот.