Колку трошат европските гиганти за плати на фудбалерите? – Барселона на врвот!

Добро познато е дека големите фудбалските клубови издвојуваат цело богатство за платите на своите најдобри фудбалери, а најмногу на плати на своите фудбалери троши Барселона.

Најновите податоци покажуваат дека славниот клуб од Каталонија за плати на своите фудбалери минатата сезона издвоил вртоглави 487 милиони евра, што е за 43% повеќе во однос на претходната година.

Објавените податоци се однесуваат на сезоната 2017/2018, а 15% од сумата од 487 милиони евра оди за плата на само еден фудбалер во Барселона, секако тоа е Лионел Меси.

Барселона така во изминатата година потроши 92 милиони евра повеќе од својот најголем ривал и дури 476 милиони повеќе од Џирона која најмалку ги плаќа своите фудбалери во Примера. Разликата помеѓу врвот и дното во Шпанија никогаш не била поголема, а треба да се истакне и дека Барселона и Реал се лидери кога се прашање и останатите европски гиганти.

Зад шпанските гиганти следуваат двата клуба од Манчестер, а петорката се затвара со Пари Сен Жермен.

ТОП 15

Барселона 487 милиони евра

Реал Мадрид 395 милиони евра

Манчестер Јунајтед 337 милиони евра

Манчестер Сити 296 милиони евра

Пари Сен Жермен 272 милиони евра

Баерн Минхен 265 милиони евра

Јувентус 259 милиони евра

Челзи 256 милиони евра

Ливерпул 241 милиони евра

Арсенал 232 милиони евра

Борусија Дортмунд 187 милиони евра

Атлетико Мадрид 178 милиони евра

Интер 156 милиони евра

Тотенхем 148 милиони евра

Лестер 131 милион евра