Клоп објасни зошто Фирмино е на клупата за резерви

Фудбалерите на Ливерпул во моментов на свој терен играат против Њукасл во рамките на петтото коло од Премиер лигата.

Јирген Клоп направи неколку промени во составот за овој натпревар, а она што најмногу изненади е одлуката Фирмино да остане на клупата, а наместо него во игра е Ориџи уште од првата минута.

Покрај Фирмино на клупата се уште Хендерсон и Милнер, но пред самиот почеток Клоп објасни дека тоа го направи бидејќи сака да ги одмори овие играчи по репрезентативните настапи. Пред „Црвените“ има тежок распоред со оглед на тоа што почнува и Лигата на Шампионите следната недела и Клоп одлучи да одмори неколку играчи.

„Мораме да размислуваме за се. Тие се спремни за игра, но размислуваме и за останатите натпревари. Направивме промени, но можно е тие да играат во второто полувреме. Важно е играчите да бидат одморени, бидејќи не очекува жешко темпо“, изјави Клоп.