Клоп: Новиот формат на Лигата на шампионите е само за пари

Јирген Клоп брзо му се приклучи на Илкај Гундон во критиките кон новиот формат на Лигата на шампионите – изјавата Гундоган може да ја прочитате тука.

Стратегот на Ливерпул беше против формирањето на Суперлигата, но не е задоволен и од промените направени во Лигата на шампионите.

„Не може цело време да се воведуваат се повеќе и повеќе натпревари. Добро е што нема да има Суперлига, но и новиот формат на Лигата на шампионите исто не е добар. Никој не ги прашува фудбалерите и тренерите, десет натпревари место шест не се добра идеја. Овој нов формат е само за пари“, порача Клоп.

Ќе потсетиме Ливерпул беше еден од клубовите кои ја формираа Суперлигата, за подоцна да им се извинат на навивачите.